Alas Kwatro Ng Umaga

Ang puso ko'y may kirot at lumbay

Nagtataka pagkat ito'y matagal ng patay

Lahat ng luha na pinigilan ilabas yaring mata

Umaapaw na sa aking kalooban ng di sadya

Kung kaya lamang na ang lahat ay huminto na

Maging itong buhay at pagsapit ng umaga

Nanaisin ng kaluluwa kong maghimlay na lamang

Pagkat hapdi at pasakit ay natabunan na ang tapang

Ako ba ay makakaramdam pa ng pag-akap?

Mula sa isang pag-ibig na di kailangan ng aking sikap

Maaari bang tapusin na ang paghihintay?

Itong katawan at pagkatao tila'y wala ng saysay 

Sana nga lahat ng to'y liparin na ng malakas na hangin

Ang pagtakbo ko'y para bang mahuhulog sa bangin

Kung usisain ng aking bukas ang aking kahapon?

Ipagkakaloob ko na lamang lahat ng meron ngayon

Nais ko lang naman ay mahaplos ng katotohanan

Ang lahat ng minsan ay nabahiran ng kasinungalingan

Ang hiling ko lang naman sana humiram ng konting ngiti

Ngunit sadyang ito ay kay damot at mapagbigay ang pighati

-jackie perfinan