Tala

Ikaw para sakin ay tila laging isang tala sa kalangitan,

Ako ay aalis, lalayo at dadayo kung saan-saan...

Ngunit ang iyong liwanag ay siya ko parin tutunguhan

Ang ningning sa iyong mata ay naghahatid lagi ng ngiti

Kung kaya't siguro ikaw ay sa puso ko'y nananatili,

Kahit saan man mapadpad, ikaw talaga ay natatangi

Lagi kong naaalala ang iyong nakakahawang tawa,

Kahit may lumbay ang paligid pag andyan ka'y sumisigla.

Ganon ka naman kasi talaga, kaya buhay ay kay ganda,

Pag ikaw ang kasama, ang lungkot kahit paano'y napapawi

Kaya kahit ako ay namahinga at nawala ng sandali,

Isang araw, pag handa na ako babalik akong muli...

Totoong ako ay masaya sa lahat ng iyong tinatamasa,

Ikaw talaga ay hindi lamang bituin kundi isang tala

Busilak ng iyong liwanag ang syang saki'y nagpapaalala

Ang siyang nagtuturo kung paano at saan kita babalikan

Kay sarap alalahanin na minsan mo na akong tinuring kaibigan

Kung kaya't ako man ay lumisan, hindi kita nakalimutan

Isa kang natatanging TALA sa kalangitan...

-j.perfinan